|
Rusiya Federasiyasının Novosibirsk şəhərində Müstəqil
Dövlətlər Birliyinə üzv olan ölkələrin gəncləri
arasında 8-ci açıq Delfi Oyunları keçirilmişdir.
On doqquz nominasiya üzrə keçirilən oyunlarda 21
ölkədən, o cümlədən Rusiya Federasiyasının
subyektlərindən təxminən 2500 gənc iştirak etmişdir.
Azərbaycan komandası yeddi nominasiya üzrə (fortepiano,
skripka, təsviri incəsənət, milli vokal, estrada oxuma,
xalq musiqi aləti və di-djey) 11 nəfər istedadlı gənclə
təmsil olunmuşdur. Di-djey nominasiyasında Eldar
Məmmədov ikinci yeri tutaraq gümüş medala və diploma
layiq görülmüşdür. Skripka nominasiyasında Bakı şəhəri
Leopold və Mstislav Rostropoviçlər adına 21 nömrəli
Onbirillik Musiqi Məktəbinin şagirdi Süleyman Eyyubov,
xalq musiqi alətləri nominasiyasında F.Əmirov adına 6
nömrəli Onbirillik Musiqi Məktəbinin kamança ixtisası
üzrə şagirdi Samir Hüseynov, estrada nominasiyasında
gənc müğənni Xana Həsənova və Milli Təhlükəsizlik
Nazirliyinin Mədəniyyət Mərkəzi nəzdində musiqi
məktəbinin şagirdi İslam Qasımov Delfi Oyunlarının
diplomantı adını qazanmışlar.
Sifai SƏFƏROVA |
