|
Ağsu Rayon Təhsil Şöbəsinin müdiri Tahir Xasidən
aldığımız məlumatda bildirilir ki, ümummilli liderimiz
Heydər Əliyevin anadan olmasının 90 illiyi münasibəti
ilə keçirilən müxtəlif tədbirlərdə Ağsu rayonunun
məktəbləri də fəal iştirak etmişlər. Rayonun Qəşəd kənd
tam orta məktəbinin komandası "Cəsurlar" hərbi idman
yarışlarında respublika üzrə üçüncü yeri qazanmışdır.
Eləcə də rayonun 4 nömrəli tam orta məktəbinin IX sinif
şagirdi Salatın Məmmədova bədii qiraət üzrə respublikada
üçüncü olmuşdur.
Ağsu rayon 3 nömrəli orta məktəbin VI sinif şagirdləri
Gülnar Qəniyeva, Sənan Qaçayev, Fidan Mehdiyeva, Pərviz
Qədirov və 4 nömrəli məktəbin X sinif şagirdi Pərviz
Qədirov respublika rəsm müsabiqəsində bacarıqla iştirak
etmişlər. Həmin şagirdlərin rəsm əsərləri respublika
kataloquna daxil edilmişdir.
Rayonun Bico kənd tam orta məktəbinin şagirdi Salatın
Pəncəlizadənin Heydər Əliyev mövzusunda yazdığı inşa
rayon turunda bəyənildikdən sonra respublika turuna
dəvət edilmiş, həvəsləndirici mükafata layiq
görülmüşdür.
Şakir CƏFƏROV |
