|
 Mayın
31-də Bakıdakı 239 nömrəli məktəbdə "son zəng" mərasimi
keçirilmişdir. Tədbirdə məktəbin müəllim-şagird
kollektivi ilə yanaşı, Bakı Şəhəri üzrə Təhsil
İdarəsinin nümayəndəsi Rəhman Baxşəliyev, Səbail Rayon
İcra Hakimiyyətinin nümayəndəsi Xətai Məmmədov,
valideynlər və qonaqlar iştirak etmişlər.
Tədbiri giriş sözü ilə açan məktəbin direktoru Sədaqət
Əzimova məzunları təbrik edərək onlara gələcək
həyatlarında uğurlar arzulamışdır. Qeyd etmişdir ki,
məktəb məzunlarını Azərbaycan cəmiyyətinə yola salır. Bu
il məktəbi 3 sinif üzrə 72 məzunun bitirdiyini söyləyən
S.Əzimova gənclərə qarşıdan gələn imtahanlarda
müvəffəqiyyətlər arzulamışdır. Dövlət tərəfindən təhsilə
göstərilən qayğıdan söz açan direktor möhtərəm
Prezidentimiz İlham Əliyevin rəhbərliyi altında ölkədə
aparılan islahatlardan söz açmışdır. Məktəbin
şagirdlərinin hər il olduğu kimi bu il də bir çox
olimpiada və müsabiqələrdəki uğurlu çıxışları diqqətə
çatdırılmışdır.
Tədbirdə çıxış edən BŞTİ-nin nümayəndəsi Rəhman
Baxşəliyev bildirmişdir ki, vaxtilə 1-ci sinfə yenicə
qədəm qoyan və həsədlə onbirincilərə baxan uşaqlar bu
gün məzundurlar. Bu əziz gündə müstəqil həyata vəsiqə
alan gəncləri məktəbi bitirmələri münasibətilə təbrik
edən R.Baxşəliyev onlara gələcək həyatlarında uğurlar
diləmişdir.
Şagirdlərin hazırladıqları bədii hissədən sonra "son
zəng" səslənmişdir.
Niyazi RƏHİMOV |
