|
Sumqayıt Tələbələr İttifaqı bu günlərdə "Sumqayıtda
tələbələrin karyera inkişafı" layihəsi çərçivəsində
adıçəkilən şəhərdə yerləşən ali və orta ixtisas təhsili
müəssisələrinin tələbələrinə karyeranın inkişafı ilə
bağlı treninqlər keçirmişdir. Treninq çərçivəsində
tələbələr şəxsi iş axtarma strategiyasının qurulması,
şəxsi peşəkarlığın və arzu olunan karyeranın inkişaf
etdirilməsi üçün zəruri olan bacarıqların obyektiv
dəyərləndirilməsi, CV və niyyət məktubunun hazırlanması
haqqında məlumatlar almışlar. Bundan əlavə, treninq
iştirakçılarına mövzu ilə bağlı müxtəlif elektron və çap
materialları təqdim olunmuşdur.
S.HÜSEYNQIZI |
