|
"Vətəndaşların müraciətlərinə baxılması qaydası
haqqında" 10 iyun 1997-ci il tarixli Azərbaycan
Respublikasının Qanununa, Azərbaycan Respublikası
Prezidentinin 29 dekabr 1998-ci il tarixli 52 nömrəli
Fərmanı ilə təsdiq edilmiş "Dövlət hakimiyyəti
orqanlarında, idarə, təşkilat və müəssisələrdə
vətəndaşların təklif, ərizə və şikayətləri üzrə
kargüzarlığın aparılması Qaydaları"nın tələblərinə uyğun
olaraq Təhsil Nazirliyində, onun strukturuna daxil olan
və tabeliyindəki qurumlarda vətəndaşların qəbulu
prosesinin tənzimlənməsi və səmərəliliyinin
yüksəldilməsi məqsədilə, Azərbaycan Respublikası Təhsil
Nazirliyi haqqında Əsasnamənin 13.5-ci bəndini rəhbər
tutaraq
ƏMR EDİRƏM:
1. "Təhsil Nazirliyində, onun strukturuna daxil olan və
tabeliyindəki qurumlarda vətəndaşların qəbulu qaydaları"
(əlavə olunur) təsdiq edilsin.
2. "Təhsil Nazirliyində rəhbər vəzifəli şəxslər
tərəfindən vətəndaşların qəbulu qrafiki" (əlavə olunur)
təsdiq edilsin.
3. Ümumi şöbə (X.Fərəcov) əmrin çoxaldılıb Nazirliyin
bütün struktur bölmə və qurumlarına çatdırılmasını təmin
etsin.
4. İctimaiyyətlə əlaqə şöbəsi (B.Hüseynzadə) əmrin
"Azərbaycan müəllimi" qəzetində dərc olunmasını təmin
etsin.
5. Əmrin icrasına nəzarət Aparatın rəhbərinə
(İ.Pirməmmədov) həvalə edilsin.
Mikayıl CABBAROV,
Azərbaycan Respublikasının təhsil naziri
31 may 2013-cü il |
