|
 Bakıdakı
103 nömrəli tam tam orta məktəbdə tarix müəllimi Sevinc
Şirinovanın təşkilatçılığı ilə 28 May - Respublika
Gününə həsr olunmuş tədbir keçirilmişdir.
Dövlət himni səsləndirilmişdir. Tədbiri giriş sözü ilə
açan məktəbin direktoru Yusif Alməmmədov bildirmişdir
ki, bu tarixi gün Azərbaycan xalqının həyatına böyük və
əlamətdar hadisə kimi daxil olmuşdur. Şərqdə ilk
demokratik dövlət quruluşunu yaratmış Azərbaycan Xalq
Cümhuriyyəti istiqlaliyyətimizi elan edərək xalqımızın
müstəqillik əzmini nümayiş etdirmişdir.
Tədbirdə Bakı Şəhəri üzrə Təhsil İdarəsi
metodbirləşməsinin Binəqədi-Nəsimi bölməsinin
metodisti Allahverən Qədirov, müəllimlər çıxış edərək
1918-ci il mayın 28-də Azərbaycanın istiqlaliyyətinin
elan edilməsində cümhuriyyətin qurucularından olan
Əlimərdan bəy Topçubaşovun, Məmmədəmin Rəsulzadənin,
Fətəlixan Xoyskinin və başqalarının böyük xidmətlərindən
və gördükləri işlərdən danışmışlar. Tədbirdə o dövrü
əks etdirən videoçarx nümayiş etdirilmişdir.
Sonra şagirdlər vətənə, müstəqil Azərbaycana və
unudulmaz tarixi şəxsiyyətlərə aid şeir söyləmiş, mahnı
oxumuş və ədəbi-bədii kompozisiya göstərmişlər.
Tədbir diskussiya şəklində başa çatmışdır.
Ş.DAYANDUROĞLU |
