|
Xaçmaz Rayon Təhsil Şöbəsindən aldığımız məlumatda
bildirilir ki, Azərbaycan Respublikası Fövqəladə Hallar
Nazirliyinin təşkilatçılığı, təhsil, gənclər və idman
nazirliklərinin dəstəyi ilə ümummilli lider Heydər
Əliyevin anadan olmasının 90 illiyinə həsr olunmuş "Gənc
xilasedici və yanğınsöndürən" yarışına aid Xaçmaz Rayon
Şimal Regional Mərkəzində tədbir keçirilmişdir.
Açılışdan sonra komandalar mərhələlər üzrə yarışmaya
başlamışlar. Hər bir mərhələdə gərgin mübarizə
getmişdir. Mərhələlər üzrə hər bir komandanın nəticələri
elan olunmuşdur.
Yarışa FHN-nin nümayəndəsi podpolkovnik-leytenant
Məhbubə Mustafayeva rəhbərlik etmişdir.
Yarışın təşkili və keçirilməsi yüksək səviyyədə təşkil
olunmuşdur. Şimal Regional Mərkəzinin rəisi
polkovnik-leytenant Şahin Mirzəyev yarışın bütün
mərhələlərində yaxından iştirak etmiş və yarış
iştirakçılarından razılıq etmişdir.
Yarışın sonunda təltifetmə mərasimi keçirilmişdir. Yekun
nəticəyə görə birinci yerə Siyəzən, ikinci yerə Quba,
üçüncü yerə Şabran, dördüncü yerə Xaçmaz və beşinci yerə
Qusar komandası layiq görülmüşlər.
Qalib komandalar diplomlarla və kuboklarla təltif
olunmuşlar.
Şakir CƏFƏROV |
