|
Binəqədi Rayon Gənclər və İdman İdarəsi yeniyetmə və
gənclərin sağlamlığının qorunması, bədən tərbiyəsi və
idmanın inkişafı məqsədilə bu günlərdə məktəblilər
arasında futbol üzrə rayon birinciliyi keçirmişdir.
Bakıdakı 248 nömrəli tam orta məktəbdə təşkil olunan
yarışlarda 22 komandanın tərkibində 220 nəfər məktəbli
mübarizə aparmışdır.
Yekun nəticəyə görə, 299 nömrəli məktəb-liseyin futbol
komandası bütün rəqiblərindən üstün olaraq I yerə
çıxmışdır. 182 və 205 nömrəli tam orta məktəblərin
futbol komandaları müvafiq olaraq ikinci və üçüncü
pillədə qərarlaşmışlar. Birincilikdə fərqlənənlər
Gənclər və İdman İdarəsi tərəfindən medal, diplom və
hədiyyələrlə mükafatlandırılmışlar. |
