|
Azərbaycan Prezidenti İlham Əliyevin 2013-cü il 9 aprel
tarixli sərəncamı ilə təsdiq edilmiş "Azərbaycan dilinin
qloballaşma şəraitində istifadəsinə və ölkədə dilçiliyin
inkişafına dair Dövlət Proqramı", habelə xarici
ölkələrdə fəaliyyət göstərən Azərbaycan Mədəniyyət
Mərkəzlərinin Əsasnaməsinin icrasını təmin etmək
məqsədilə Daşkənddəki Heydər Əliyev adına Azərbaycan
Mədəniyyət Mərkəzində (AMM) Azərbaycan dili kursları
fəaliyyətə başlamışdır.
AMM-nin direktoru Samir Abbasov bildirmişdir ki,
Azərbaycan dili kurslarının yaradılması xahişi ilə
Daşkənddəki çoxsaylı azərbaycanlılar da Mədəniyyət
Mərkəzinə müraciət etmişlər və buna görə də biz
uşaqlardan ibarət ilk dil qrupu açdıq.
Kursları Azərbaycanda işləmiş müəllim, 40 il bu sahədə
iş təcrübəsi olan Salama Fətəliyeva aparır. O
bildirmişdir ki, kiçikyaşlı uşaqlarla yanaşı, yaşından
və mövqeyindən asılı olmayaraq istənilən şəxs kurslarda
iştirak edə bilər. Biz böyüklərdən ibarət qruplar da
təşkil etmək fikrindəyik. Kurslar ödənişsizdir.
Samir Abbasovun sözlərinə görə, kurslar AMM tərəfindən
bütün əyani vəsaitlərlə və nəşrlərlə təmin edilir,
mərkəzin kitabxanası Azərbaycan dilinin tədrisi ilə
bağlı yeni nəşrlərlə zənginləşdirilmişdir.
AzərTAc |
