|
Azərbaycan milli komandasının üzvləri Perunun Lima
şəhərində keçirilmiş ağır atletika üzrə gənclər arasında
dünya birinciliyində uğurla çıxış etmişlər. Azərbaycan
Ağır Atletika Federasiyasından aldığımız məlumata görə,
gənclərdən ibarət kollektivimiz Perudan 3 medalla
qayıtmışdır.
Otuzdan artıq ölkənin iştirak etdiyi yarışda millimiz
komanda hesabında üçüncü olmuşdur.
Dünya birinciliyində 62 kq çəki dərəcəsində Valentin
Xristov qızıl, 77 kq çəki dərəcəsində Nicat Rəhimov
gümüş, 69 kq çəki dərəcəsində Firudin Quliyev isə
bürünc medal qazanmışdır.
Təkanla qaldırma yarışlarında Nailxan Nəbiyev (94 kq)
qızıl medala sahib çıxmışdır. Toplamda 365 kiloqram
nəticə göstərən N.Nəbiyev eyni nəticəyə malik olan
misirli rəqibi Ossama Xəttaba yalnız şəxsi çəkidə
uduzmuşdur. Belə ki, atletimiz 93,11 kiloqram olduğu
halda, rəqibinin çəkisi 91,61 kiloqram olmuşdur.
Beləliklə, idmançımız yarışı dördüncü pillədə başa
vurmuşdur. |
