|
Bu günlərdə Mədəniyyət və Turizm Nazirliyinin
təşkilatçılığı ilə keçirilmiş uşaq xor kollektivlərinin
VIII Respublika müsabiqəsi başa çatmışdır. Məlumat üçün
bildirək ki, ümummilli lider Heydər Əliyevin 90 illik
yubileyinə həsr edilmiş müsabiqənin zona mərhələləri
aprel ayında təşkil olunmuşdu.
Müsabiqənin nəticələrinə görə, I yerə Q.Qarayev adına 8
nömrəli Onbirillik Musiqi Məktəbi, II yerə R.Behbudov
adına 2 nömrəli, R.Hacıyev adına 15 nömrəli və
Ş.Ələkbərova adına 20 nömrəli uşaq musiqi məktəbləri,
III yerə K.Səfərəliyeva adına 16 nömrəli, Niyazi adına
22 nömrəli və Ə.Bədəlbəyli adına 23 nömrəli uşaq musiqi
məktəbləri layiq görülmüşlər.
C.Hacıyev adına 3 nömrəli uşaq musiqi məktəbi isə
müsabiqənin "Qran-pri"sinə sahib olmuşdur.
Samirə KƏRİMOVA |
