|
Ümummilli lider Heydər Əliyevin anadan olmasının 90
illiyinə həsr olunmuş Tələbə Elmi Cəmiyyətinin XIII
elmi-praktik konfransı keçirilmişdir.
Konfransdan əvvəl tələbələrin əl işlərindən ibarət
sərgiyə baxış keçirilmişdir. Tələbələrin hazırladıqları
90 əl işi, o cümlədən rəsm əsərləri, yapma, tikiş,
müxtəlif ornamentlər, illüstrasiyalar nümayiş
etdirilmişdir.
Konfransın plenar iclasını giriş sözü ilə açan
institutun direktoru, professor Raya Nəcəfova ulu
öndərin həyat və fəaliyyətinin qısa xronologiyasına
nəzər salmış, müstəqil Azərbaycan dövlətinin
yaradılmasında onun misilsiz xidmətlərindən söz
açmışdır. Ulu öndərin xatirəsi yad edilmişdir. Sonra
tələbələrin məruzələri dinlənilmişdir. Tələbələrdən
Günay Muxtarova, Arzu Kərimova, Günay Hacıyeva və Günay
Yusifzadənin ümummilli lider Heydər Əliyevin çoxşaxəli
fəaliyyətinin ayrı-ayrı istiqamətlərinə həsr edilmiş
məruzələri maraqla qarşılanmışdır.
Konfrans öz işini 3 bölmədə davam etdirmişdir.
Bölmələrdə 50-yə yaxın məruzə dinlənilmişdir. Konfransda
tələbələr arasında keçirilən "Heydər Əliyev və müasir
gənclik" esse yazı müsabiqəsinə və tələbələrin əl
işlərindən ibarət olan sərgiyə yekun vurulmuşdur. Sərgi
və müsabiqəyə qatılan 45 tələbədən 6 nəfər ən yüksək bal
toplayaraq mükafata və fəxri fərmanlara layiq
görülmüşdür. Öz məruzələri və təqdimatları ilə
fərqlənən 4 tələbənin elmi tədqiqat işi AMİ-nin VII
Tələbə Elmi Konfransının Təşkilat Komitəsinə məruzə üçün
təqdim olunmuşdur.
Tələbə tədqiqatları təkcə bununla kifayətlənmir.
Tələbələr Odlar Yurdu Universitetində, Bakı Biznes
Universitetində, Sumqayıt Dövlət Universitetində
məruzələrlə çıxış etmış, fəxri fərmanlar və diplomlarla
təltif olunmuşlar.
Şikar HÜSEYNOV,
AMİ Sumqayıt filialı
Tələbə
Elmi Cəmiyyətinin sədri |
