|
Dünya sivilizasiyasına dahi şəxsiyyətlər, böyük alimlər,
korifey sənətkarlar təqdim edən Azərbaycanımız yola
saldığımız əsrdə dünyanın siyasət aləminə bütün dövrlər
üçün müdrik və əvəzolunmaz bir siyasətçi, ulu öndər
Heydər Əliyevi ərmağan etmişdir.
Ulu Tanrı Azərbaycanımızın bütövlüyü, bölünməzliyi və
dövlət quruculuğu istiqamətində xilaskarlıq missiyasını
şərəflə yerinə yetirən dahi rəhbər Heydər Əliyevi
vaxtında və olduqca məsuliyyətli bir dövrdə Azərbaycan
xalqına yenidən bəxş etmişdir.
Həyatı və fəaliyyəti nəsillərə nümunə olan ulu öndər
Heydər Əliyevin əziz xatirəsi daim Azərbaycan xalqının
qəlbində yaşayacaqdır. Müasir Azərbaycanın memarı və
yaradıcısı Heydər Əliyev şəxsiyyəti böyüklüyü, ucalığı,
aliliyi və sadəliyi ilə xalqımızın and, güvənc yerinə
çevriləcəkdir.
Son illərdə ölkə həyatının digər sahələrində olduğu kimi
təhsil sahəsində də məqsədyönlü tədbirlər görülür. Əsası
ulu öndər Heydər Əliyev tərəfindən qoyulan islahatlar bu
gün ölkə Prezidenti İlham Əliyev cənabları tərəfindən
uğurla həyata keçirilir, dövlət başçısının imzaladığı
sərəncamlar və fərmanlar təhsilin maddi-tədris
bazasının, kadr potensialının, elmi-metodik və
informasiya təminatının daha da yaxşılaşdırılması
sahəsində geniş imkanlar yaradır.
Hazırda respublikanın digər bölgələrində olduğu kimi,
Cəlilabad rayonunun təhsil müəssisələrində də
"Azərbaycan xalqının ümummilli lideri Heydər Əliyevin 90
illik yubileyinin keçirilməsinə dair" fəaliyyət planı
tərtib olunmuşdur.
Belə ki, rayonun təhsil müəssisələrində VIII-XI sinif
şagirdlərinin iştirakı ilə ümummilli lider Heydər
Əliyevin nəsillərə nümunə olan həyat və fəaliyyətinə
həsr edilmiş inşa yazı müsabiqələri keçirilmiş, akademik
Zərifə Əliyeva adına Cəlilabad şəhər 7 nömrəli tam orta
məktəbin XI sinif şagirdi Bətulə Hüseynzadə müsabiqənin
respublika mərhələsində iştirak etmək hüququ
qazanmışdır. Eyni zamanda əvvəlki illərdə də ulu öndər
Heydər Əliyevin həyat və fəaliyyətinə həsr olunmuş inşa
müsabiqələrinin respublika mərhələsində rayonumuzun
məktəbləri müntəzəm olaraq iştirak etmiş və 4 il ardıcıl
olaraq I və III dərəcəli diplomlarla təltif edilmişlər.
Rayonun təhsil müəssisələrində aprel ayının ikinci
ongünlüyündə tanınmış ziyalıların, şair və yazıçıların,
iş adamlarının, əmək veteranlarının iştirakı ilə ulu
öndər Heydər Əliyevə həsr edilmiş təntənəli yubiley
tədbirləri, konfranslar və "dəyirmi masa"lar
keçirilmişdir. Cəlilabad şəhər 1 nömrəli humanitar və
təbiət fənləri təmayüllü məktəb-liseydə, akademik Zərifə
Əliyeva adına Cəlilabad şəhər 7 nömrəli tam orta
məktəbdə, Cəlilabad şəhər 8 nömrəli texniki və humanitar
fənlər təmayüllü məktəb-liseydə, Göytəpə şəhər 1 nömrəli
tam orta məktəbdə, Cəlilabad şəhər 6 nömrəli ümumi orta
məktəbdə, Heydər Əliyev adına Alar kənd 1 nömrəli tam
orta məktəbdə, Zopun, Şiləvəngə, Kövüzbulaq kənd 2
nömrəli, Cəngan, Uzuntəpə kənd 1 nömrəli, Şabanlı,
Gülməmmədli, Cəlayir, Komanlı, Burovar və Bayxanlı kənd
tam orta məktəblərində keçirilmiş "dəyirmi masa"larda
ulu öndər Heydər Əliyevin şərəfli ömür yolundan, dövlət
quruculuğu, xarici siyasət, elm, təhsil və mədəniyyətin,
eləcə də idmanın inkişafındakı misilsiz xidmətlərindən
danışılmışdır. Tədbirlərdə şagirdlərin ifasında
ədəbi-bədii kompozisiyalar nümayiş etdirilmiş, şeirlər,
mahnılar səsləndirilmişdir.
Aprel ayında ümumtəhsil məktəb müəllimləri və
şagirdlərin iştirakı ilə müxtəlif idman yarışları, rəsm,
plakat, şeir, hekayə və inşa müsabiqələri keçirilmiş və
ədəbi-bədii kompozisiyalar nümayiş etdirilmişdir.
Cəlilabad şəhər Heydər Əliyev adına Yaradıcılıq
Mərkəzində ümummilli lider Heydər Əliyevin anadan
olmasının 90 illik yubileyi münasibəti ilə ümumtəhsil
və orta ixtisas təhsili müəssisələrinin şagird və
tələbələri arasında gənc ifaçıların II respublika
müsabiqəsinin zona mərhələsi keçirilmişdir.
Ümummilli lider Heydər Əliyevin anadan olmasının 90
illik yubileyinə həsr edilmiş ümumtəhsil məktəb
müəllimləri arasında rayon Şahmat məktəbində keçirilmiş
şahmat idman növü üzrə rayon birinciliyində rayonun
ümumtəhsil məktəblərindən 30 nəfər müəllim iştirak
etmişdir. Ocaqlı kənd 1 nömrəli tam orta məktəbin
müəllimi Rövşən Cavadov, Cəlilabad şəhər 5 nömrəli ümumi
orta məktəbin müəllimi Əlisəfa Əmənov və Privolnoye kənd
1 nömrəli tam orta məktəbin müəllimi İsabala Ağayev
müvafiq olaraq I və III yerləri tutaraq turnirin
qalibləri olmuşlar.
Fəaliyyət planında nəzərdə tutulmuş tədbirlərin icrası
istiqamətində rayonun bütün tipdən olan ümumtəhsil
məktəblərində mayın 10-da ilk dərs ümummilli lider
Heydər Əliyevin həyat və fəaliyyətinə həsr ediləcəkdir.
Nadir BABAYEV,
Cəlilabad RTŞ-ın metodkabinet müdiri |
