|
Bakıdakı "Şəfa" stadionunda 14 yaşadək futbol
komandaları arasında İBAR CUP beynəlxalq turniri iyunun
17-22 tarixlərində keçiriləcək. Ötən il ilk dəfə
keçirilən bu turnir Azərbaycan Beynəlxalq Bankının 20
illik yubileyinə həsr olunmuşdu. Qərara alınmışdır ki,
turnir mütəmadi xarakter alsın və bu il Avropanın
müxtəlif ölkələrindən olan uşaq komandaları yenidən
Bakıda toplaşsın. Yarışın təşkilatçıları Azərbaycan
Beynəlxalq Bankı, "İnter" Peşəkar İdman Klubu və Bakı
Futbol Federasiyasıdır. Turnirdə 8 komanda iştirak
edəcək. Reqlamentə əsasən komandalar 2 qrupa ayrılacaq
və hər qrupda 4 komanda mübarizə aparacaq. Hər qrupdan
ən yaxşı 2 komanda mükafat yerləri uğrunda mübarizəni
davam etdirəcək. Qrupda III və IV yerləri tutan
komandalar 5-8-ci yerlər uğrunda mübarizə aparacaqlar.
Bakının "İnter" klubunun 14 yaşadək futbolçulardan
ibarət komandası ilə yanaşı, turnirdə birinci İBAR
CUP-in qalibi "Rubin" (Rusiya), "Karpatı" (Ukrayna),
"Beşiktaş" (Türkiyə), Yurqorden" (İsveç), "Vilyarreal"
(İspaniya) və "Ayntraxt" (Almaniya) komandaları
mübarizə aparacaqlar.
Sifai SƏFƏROVA |
