|
Bakıda Müslüm Maqomayev adına Azərbaycan Dövlət
Filarmoniyasında Qara Qarayev adına V beynəlxalq musiqi
festivalı keçirilmişdir. Festivalın maraqlı proqramı
dinləyicilərə incəsənətlə yaxından ünsiyyət imkanı
yaratmışdır. Festivala Azərbaycan, Almaniya, Avstriya,
Fransa, Hollandiya və Rusiyadan bu mötəbər tədbirə
müasir musiqini mükəmməl şəkildə ifa edən solist və
kollektivlər cəlb olunmuşdur. Festivalın açılış və
bağlanış mərasimlərində xalq artisti, dirijor Rauf
Abdullayevin rəhbərliyi ilə Üzeyir Hacıbəyli adına
Azərbaycan Dövlət Simfonik Orkestri iştirak etmişdir.
Festival çərçivəsində muzey mərkəzində müasir musiqinin
problemlərinə həsr olunmuş elmi konfrans, Beynəlxalq
Muğam Mərkəzində, Rəşid Behbudov adına Azərbaycan
Dövlət Mahnı Teatrında, Müslüm Maqomayev adına
Azərbaycan Dövlət Filarmoniyasında və filarmoniyanın
kamera və orqan musiqisi zalında xarici və yerli
musiqiçilərin, eləcə də musiqi kollektivlərinin
ifasında konsertlər verilmişdir.
Sifai SƏFƏROVA |
