|
 Bakıdakı
229 nömrəli tam orta məktəbdə tarix müəllimi Nərgiz
Məmmədovanın V "ç" sinfində ulu öndər Heydər Əliyevin
anadan olmasının 90 illik yubileyinə həsr olunmuş
"Müstəqil Azərbaycanın qurucusu" mövzusunda "açıq
dərs"i keçirilmişdir.
Dərsdə Bakı Şəhəri üzrə Təhsil İdarəsinin nümayəndələri
və 12, 109 nömrəli tam orta məktəblərin müəllimləri
iştirak etmişlər.
Məqsəd ümummilli lider Heydər Əliyevin Azərbaycan
tarixində mühüm rol oynadığını və Azərbaycan dövlətinin
qurucusu olduğunu şagirdlərə öyrətmək olmuşdur. Dərs
zamanı bu istiqamətdə şagirdlərdə düzgün təhliletmə,
müzakirəetmə, sərbəst nəticəçıxarma, dəyərləndirmə və
tədqiqat vərdişlərinin formalaşmasına nail olunmuşdur.
Dərsin tərbiyəvi əhəmiyyəti Heydər Əliyevin
nümunəsində şagirdlərdə vətənpərvəlik hissini daha da
yüksəltməklə onlarda mübarizlik, cəsurluq, cəsarətlilik
kimi insani keyfiyyətləri inkişaf etdirmək, xalqa
məhəbbət, düşmənə nifrət hissini gücləndirmək idi.
Müəllim mövzunun tədrisində fənlərarası inteqrasiya
yaratmış və fəal təlim üsullarından bacarıqla
istifadə etmişdir.
Şagirdlər ulu öndər Heydər Əliyev haqqında bildiklərini
söyləmiş, ümummilli lider Heydər Əliyevin tarixdə
misilsiz rolundan söz açmışlar. Ulu öndərin həyat və
fəaliyyətini əks etdirən videoçarx nümayiş
etdirilmişdir. Sonra qrup üzvləri dinlənilmiş, liderlər
və həvəskar rəssamlar öz işlərini təqdim etmişlər.
Nəticədə şagirdlər yekdilliklə ümumi nəticəyə gəlmişlər.
Qeyd olunmuşdur ki, Heydər Əliyev görkəmli dövlət
xadimi, ulu öndər, Azərbaycan xalqının, dövlətinin
xilaskarı və ümummilli lideridir.
Müzakirə zamanı müəllimlərdən Şəlalə Hüseynova, Natella
Əmirova, Əminə Kərimova və başqaları "açıq dərs"dən
razılıq etmişlər.
Sonda fərqlənən şagirdlərə hədiyyələr təqdim edilmişdir.
Şakir CƏFƏROV |
