|
 Naxçıvan
Dövlət Universitetinin beynəlxalq münasibətlər və xarici
dillər fakültəsində Azərbaycan xalqının ümummilli
lideri, görkəmli dövlət xadimi Heydər Əliyevin anadan
olmasının 90 illiyinə həsr olunmuş "Heydər Əliyev və
Naxçıvan" mövzusunda ingilis dilində III Ümumuniversitet
bilik yarışması keçirildi.
Viktorinada universitetin rektoru, akademik İsa
Həbibbəyli ümummilli lider Heydər Əliyevin siyasi
kursunun bugünkü layiqli davamından, ölkədə aparılan
təhsil və gənclər siyasətinin uğurundan danışdı. Rektor
həmçinin ingilis dilində qeyri-ixtisas fənləri öyrənən
tələbələrin arasında belə yarışmaların keçirilməsini
məqsədəuyğun hesab etdi. Fakültə dekanı, filologiya
üzrə fəlsəfə doktoru, dosent Qurban Qurbanlı bilik
yarışmasının məqsəd və vəzifələri haqqında məlumat
verdi.
Fakültə komandaları arasında püşkatmadan sonra İKT
tətbiqi ilə bilik yarışmasına start verildi. Qeyd edək
ki, universitetdə təhsil alan xarici tələbələr də
viktorinada iştirak etdilər.
On bir komandanın iştirakı ilə keçirilən yarışmada 55
tələbə iştirak etdi. Tibb fakültəsinin komandası qalib
gələrək I yerə çıxdı. Beynəlxalq münasibətlər və xarici
dillər fakültəsinin iki komandası II və III yerləri
bölüşdülər. İki mərhələdə keçirilən gərgin bilik
yarışmasının qalib komandaları və fəal iştirakçılar
diplom və hədiyyələrlə mükafatlandırıldılar.
Mina QASIMOVA,
NDU-nun Mətbuat şöbəsinin əməkdaşı |
