|
 Azərbaycan
Milli Konservatoriyasının nəzdində fəaliyyət göstərən
Respublika İncəsənət Gimnaziyasında görkəmli aktyor
A.M.Şərifzadənin anadan olmasının 120 illiyi
münasibətilə ədəbi-bədii gecə keçirilmişdir.
Gecədə şagirdlərdən Fidan Qədimli və Azad Bağırzadə
yubilyarın həyat və səhnə yaradıcılığı barədə
danışmışlar.
Tədbirdə gimnaziyanın gənc teatr həvəskarlarından
Nizami Qurbanovun, Nailə Bağırovanın, Kamil Qurbanovun,
Kənan Əsədovun, Vüsal Adilxanlının, Rəd Rəvanın iştirakı
ilə "Şeyx Sənan", "Oqtay Eloğlu" və "Hamlet"
tamaşalarından parçalar göstərilmişdir.
Gecənin sonunda gimnaziyanın direktoru Mahizər
Şabanbəyli çıxış edərək maraqlı tədbir üçün gənc teatr
həvəskarlarını təbrik etmiş, onlara gələcək
fəaliyyətlərində uğurlar arzulamışdır.
Sifai SƏFƏROVA |
