|
Bakıdakı 189 nömrəli tam orta məktəbdə "İngilis dili
fənn aylığı"na həsr olunmuş "Novruz bayramı ərəfəsində
xarici qonaqlarla görüş" adlı tədbir keçirilib.Tədbirdə
xarici dil mərkəzinin kollektivi, bir qrup ziyalı,
dil mütəxəssisləri və digər qonaqlar iştirak ediblər.
Qonaqlar məktəblə, sonra isə şagirdlərin ingilis dili
dərslərində, sinifdənxaric məşğələlərdə qazandıqları
uğurlarla tanış olublar. Sonra qonaqlar nağıllar
aləminə səyahətə çıxıblar. "Ağca və 7 cırtdan", "Qoğal"
kimi nağılların şagirdlər tərəfindən səhnələşdirilməsi
qonaqlarda xoş ovqat yaradıb.
Sonda qonaqlar Novruz adət-ənənələrimizlə tanış olublar
və onlara bayram sovqatları təqdim olunub. Onlar
şagirdlərin sərbəst çıxışlarına, ingiliscə mükəmməl
nitq qabiliyyətlərinə malik olmalarına heyran qalıblar.
Tədbir qonaqların və iştirakçıların "Yallı" rəqsi ilə
sona yetib. Məktəbin direktoru Ceyran Kuliyeva
qonaqlara ingilis dilində öz təşəkkürünü bildirib.
Sifai SƏFƏROVA |
