|
Azərbaycan Respublikasının Prezidenti İlham Əliyevin
sərəncamına əsasən ölkəmizdə 2013-cü il "İKT" ilidir.
Buna görə də bütün təhsil ocaqlarında olduğu kimi,
Bakıdakı 14 nömrəli tam orta məktəbdə də İKT-dən
geniş istifadə olunur. Məktəbin direktoru Hürzad
Verdizadə bildirdi ki, təhsil ocağı İnternet
şəbəkəyə qoşulub. Məktəbdə müasir tələblərə cavab
verən iki informatika otağı yaradılıb və otaqlarda 41
kompüter quraşdırılıb. Hazırda informatika müəllimləri
dərslərin maraqlı təşkilində təlimin yeni
texnologiyalarından istifadə edirlər. Şagirdlər
biliklərini artıraraq informasiya və kommunikasiya
texnologiyalarından səmərəli istifadə etmək imkanlarını
genişləndirirlər.
Müəllimlərdən İradə Həsənova və Aygün Bəylərovanın
informatikadan "açıq dərs"i keçirilib. Onlar
dərslərində müxtəlif təcrübələrin nümayişinə, proqramda
nəzərdə tutulan praktik işlərin şagirdlər tərəfindən
yerinə yetirilməsinə ciddi fikir verirlər. Nəticədə
şagirdlərdə informasiyalaşmış cəmiyyətin tələblərinə
uyğun zəruri məlumatlarla işləmə bacarıqları, daha çox
populyar olan proqramlardan kompüterdə istifadə
vərdişləri formalaşdırılır. Şagirdlər kompüterdə sərbəst
yazmağı bacarır, müəllimləri tərəfindən verilən
tapşırıqları vaxtında və keyfiyyətlə yerinə yetirə
bilirlər.
Şakir CƏFƏROV |
