|
Bakı Slavyan Universitetinin (BSU) Kiyev Milli
Linqvistik Universitetindəki Azərbaycan Dili və
Mədəniyyəti Mərkəzinin təşəbbüsü ilə Azərbaycan dili
kursları açılmışdır.
BSU-dan AzərTAc-a bildirmişlər ki, Azərbaycan dilinə və
mədəniyyətinə marağı artırmaq məqsədi ilə keçirilən
kurslar Ukraynadakı Azərbaycanlı Gənclər Birliyinin
ofisində təşkil olunmuşdur. Hazırda kurslarda 15 Ukrayna
vətəndaşı Azərbaycan dilini öyrənir. Dinləyicilər
arasında diplomat, jurnalist, həkim, gömrük işçisi, iş
adamları, bu ölkənin SOKAR şirkətinin əməkdaşları və s.
təmsil olunmuşdur.
Mərkəzin rəhbəri, professor Rafiq Novruzov tərəfindən
aparılan dərslər həftədə iki dəfə keçirilir. |
