|
 Martın
2-də Bakıdakı 99 nömrəli tam orta məktəbdə
Valideyn-Müəllim Assosiasiyası tərəfindən 5 mart - Bədən
tərbiyəsi və idman gününə həsr olunmuş bayram tədbiri
keçirilmişdir. Tədbir 2 hissədən - idman növləri üzrə
nümunəvi çıxışlardan və rəsmi hissədən ibarət olmuşdur.
Məktəbin idman zalında şagirdlərin iştirakı ilə futbol,
voleybol, basketbol, həndbol, karate, bədii gimnastika,
cüdo, şən startlar üzrə nümunəvi çıxışlar nümayiş
etdirilmişdir. Akt zalında davam etdirilən tədbirdə
məktəbin direktoru Ofelya Məmmədova, Təhsil Nazirliyinin
Respublika Bədən Tərbiyəsi və İdman Mərkəzinin direktoru
Qiyas Nəcəfov, Binəqədi Rayon Gənclər və İdman
İdarəsinin rəisi Qüdsi Bayramov, Azərbaycan Qol Güləşi
Federasiyasının rəsmisi, dünya çempionu Zurab
Bəxtiyarov, Azərbaycan Taekvando Federasiyasının
rəsmisi, dəfələrlə Olimpiya Oyunlarının iştirakçısı
Rəşad Əhmədov, məktəbin müəllim-şagird kollektivi
iştirak etmişdir. Tədbirdə məktəb üzrə VMA-nın sədri
Salman Əbdülov 5 mart - Bədən tərbiyəsi və idman gününə
həsr olunmuş tədbirin iştirakçılarını təbrik etmiş,
respublikamızda idmana göstərilən dövlət qayğısından
danışmışdır. Sonra qonaqların təbrik çıxışları olmuşdur.
Çıxışlardan sonra idmanın müxtəlif növlərində, həmçinin
təhsildə, fənlər üzrə bilik yarışmalarında, məktəbdə
keçirilən mədəni-kütləvi tədbirlərdə fərqlənən şagird və
müəllimlər Valideyn - Müəllim Assosiasiyası tərəfindən
diplomlarla təltif olunmuşlar.
Y.ƏLİYEV |
