|
Siyəzən şəhər stadionunda VII-VIII sinif şagirdləri
arasında "Cəsurlar" hərbi-idman və turizm oyununun rayon
birinciliyi keçirilib. Gənc nəslin hərbi-vətənpərvərlik
tərbiyəsində müstəsna rolu olan bu yarışmada rayon
ümumtəhsil məktəblərinin 14 komandası iştirak edib.
Komandalar sıra hazırlığı, maneələri dəf etmə, əleyhqaz
geymə və digər mərhələlər üzrə qüvvələrini sınayıblar.
Son nəticəyə görə, şəhər 6 nömrəli tam orta məktəbin
komandası birinci yeri tutaraq, martın 4-də Xaçmaz
şəhərində keçirilən zona birinciliyində rayonu təmsil
edib. Şəhər 5 nömrəli tam orta məktəbin komandası öz
göstəricilərinə görə ikinci, 1 və 3 nömrəli tam orta
məktəblərin komandaları isə üçüncü yerə layiq
görülüblər.
Qalib komandalar bu yarışmanın təşkilatçısı olan
Gənclər və İdman İdarəsinin təsis etdiyi diplomlarla
təltif olunublar.
Sifai SƏFƏROVA |
