|
Qusar rayonunun ümumtəhsil məktəblərinin V və VII
sinifləri arasında "Coca-cola məktəbli kuboku"
turniri keçirilir. Fevralın 20-dən başlamış birincilik
uşaqlar arasında futbolun təbliği və kütləviliyinin
təmin olunması, uşaq futbolçuların ustalığının
yüksəldilməsi, onların idmana maraqlarının artırılması
və pis vərdişlərdən uzaq olması məqsədilə təşkil
edilib. Rayon Gənclər və İdman İdarəsinin AFFA ilə birgə
təşkil etdiyi, "Coca-cola" şirkətinin sponsorluğu ilə
keçirilən birincilikdə 22 ümumtəhsil məktəbinin 40
komandası qalib adı uğrunda mübarizəyə qoşulub. Artıq
Qusar rayonu üzrə yarışlar sona yetib və fevralın
26-dan isə müəyyən olunan zonalar üzrə yarışlara start
verilib.
Yekunda birinci yeri tutmuş komandaların üzvlərinə fəxri
fərman və müxtəlif hədiyyələr veriləcək. |
