|
Naxçıvan Özəl Universitetində Xocalı soyqırımına həsr
olunmuş "Xocalı soyqırımı-erməni vəhşiliyinin növbəti
cəhdi" mövzusunda elmi-praktik konfrans keçirilmişdir.
Konfransı giriş sözü ilə universitetin tədris və elmi
işlər üzrə prorektoru, tarix üzrə fəlsəfə doktoru
İbrahim Kazımbəyli açaraq bildirmişdir ki, Xocalı
soyqırımı XX əsrin ən qanlı hadisələrindən biridir. Bu
hadisə mənfur ermənilərin Azərbaycan xalqına qarşı
həyata keçirdiyi böyük soyqırımı siyasətinin növbəti
mərhələsi olmuşdur. Həmin gün azğın düşmən heç kəsə,
hətta körpələrə, uşaqlara, qocalara belə aman
verməmişdir. Təəssüflər olsun ki, respublikanın o
dövrdəki rəhbərliyi susaraq xalqımızın başına gətirilən
bu bəlanın nə qarşısını aldı, nə də ona lazımı qiymət
verdi. Bu cinayətin beynəlxalq müstəvidə tanıdılması,
ona hüquqi-siyasi qiymət verilməsi və erməni faşizminin
ifşa olunması ilə əlaqədar ilk təşəbbüs xalqımızın
ümummilli lideri Heydər Əliyevin adı ilə bağlıdır. Ulu
öndərin təşəbbüsü və səyi nəticəsində o zaman Milli
Məclisdə qəbul edilən tarixi qərardan sonra 26 fevral
Xocalı soyqırımı günü kimi qeyd olunmağa başlandı.
Tərbiyə işləri üzrə prorektor Əli Yusifov, tarix üzrə
fəlsəfə doktoru Elçin Zamanov çıxış edərək soyqırımı ilə
bağlı xalqımızın başına gətirilmiş müsibətlərdən
danışmış, dəhşətli faciənin xalqımızın yaddaşından heç
vaxt silinməyəcəyini bildirmişlər.
Sonda Xocalı faciəsinə həsr olunmuş sənədli film nümayiş
etdirilmişdir.
Nuray ƏSGƏROVA |
