|
Qafqaz Universitetinin Texnoparkı "Yeni fikir"
müsabiqəsi təşkil edir. Texnopark və ona partnyor
şirkətlərlə ortaq həyata keçirilən müsabiqədə təkcə
Qafqaz Universiteti tələbələri deyil, Azərbaycanın bütün
universitetlərinin tələbə və məzunları iştirak edə
bilər. "Yeni fikir" müsabiqəsinin keçirilməsində əsas
məqsəd Azərbaycanda gənclər arasında sahibkarlığın
inkişaf etdirilməsinə nail olmaqla yanaşı, texnologiya
sahəsində innovativ fikirlərin ortaya çıxarılmasına
töhfə verməkdir.
Müsabiqədə iştirak etmək istəyən gənclər öz ideyalarını
layihə şəklində hazırlayaraq, 25 mart 2013-cü il
tarixinə kimi www.yenifikir.az saytına daxil olub
online qeydiyyatdan keçməlidirlər. "Yeni fikir"
müsabiqəsinin qalibləri Texnopark tərəfindən istər ofis
şəraiti ilə, istərsə də digər amillərlə təmin
ediləcəkdir. Bununla belə, müsabiqənin nəticələrinə görə
ilk 3 yerə sahib olan layihə müəllifləri Türkiyənin Orta
Doğu Texniki Universitetinin Texnoparkında bir ay
müddətində faəliyyət göstərmək imkanı qazanacaqlar.
Y.ƏLİYEV |
