|
Xəzər Universitetində Bakının Nizami rayonundakı
məktəblərin yuxarı sinif şagirdləri ilə görüş keçirilib.
Görüşü universitetin ictimai əlaqələr və media üzrə
direktoru Əlövsət Əmirbəyli açaraq tədbirin
əhəmiyyətindən söz açıb. Sonra təhsil ocağının
təsisçisi, professor Hamlet İsaxanlı müasir dövrdə
universitetin rolu haqqında geniş məruzə ilə çıxış
edib. Universitetin qəbul və tələbə şöbəsinin müdiri
İsaxan İsaxanlı, elektronika, telekommunikasiya və
radiotexnika mühəndisliyi departamentinin müdiri Nuru
Səfərov və başqaları çıxışlarında müvafiq fənlərin
tədrisi, müasir dünyada təbii sərvətlərin
çıxarılmasında istifadə edilən son metodlar və
informasiya texnologiyalarının üstün mövqeyi barədə
fikir və mülahizələrini ifadə ediblər.
Sonda Nizami Rayon İcra Hakimiyyəti başçısının müavini
Gülnaz İsrafilova maraqlı görüşə görə universitetin
rəhbərliyinə və kollektivinə təşəkkürünü bildirib.
Sifai SƏFƏROVA |
