|
Dövlət başçısının təhsilə göstərdiyi diqqət və qayğının
nəticəsidir ki, keçən il Şəmkirdə 5 yeni məktəb binası
istifadəyə verilmişdir. Şəmkir Rayon Təhsil Şöbəsindən
aldığımız məlumatda bildirilir ki, hazırda rayonun
Düyərli, Abbaslı, Seyidli, Ceyrançöl və Günəşli
kəndlərinin şagirdləri müasir tipli məktəblərdə dərs
keçirlər. Bu il rayonda 5 yeni məktəb binası
istifadəyə veriləcəkdir. Hazırda rayonun Sabirkənd
kəndində 960, Zəyəm qəsəbəsində 480, Seyfəli, Qasım
İsmayılov və Qaralar kəndlərinin hər birində 360 şagird
yerlik məktəb binalarında inşaat işləri sürətlə gedir.
Şakir CƏFƏROV |
