|
Samux Rayon Təhsil Şöbəsindən aldığımız məlumatda
bildirilir ki, rayonun Lək kəndindəki orta məktəb uzun
illər uyğunlaşdırılmış binada fəaliyyət göstərmişdir.
Son illər həmin bina qəzalı vəziyyətə düşdüyündən keçən
il kənddə müasir tələblərə cavab verən yeni, 220 şagird
yerlik məktəb binasının tikintisinə başlanılmış və qısa
vaxtda başa çatdırılmışdır.
Məktəb binasının açılış mərasimində çıxış edənlər
bildirmişlər ki, Lək kənd orta məktəbi bu tədris ilində
rayonda istifadəyə verilən 5-ci təhsil ocağıdır.
İkimərtəbəli yeni məktəb binasında 11 sinif otağı, əlavə
fənn kabinetləri, kitabxana, kimya və fizika
laboratoriyaları, kompüter otağı və idman zalı ilə
yanaşı, müasir istilik sistemi də yaradılmışdır.
Şakir CƏFƏROV |
