|
Böyük Britaniyanın Tədqiqat Kompaniyası Ekonomist
İntelligense Unit 40 inkişaf etmiş dövlətin ilk təhsil
reytinqini tərtib edib. Rusiya həmin siyahıda 20-ci
yerdədir.
Reytinq baş nazir Toni Blerin dövründə Böyük
Britaniyanın məktəb islahatlarına cavabdehlik daşıyan
Maykl Barberin rəhbərliyi altında işlənib hazırlanıb.
Tədqiqat üçün 60 kriteriyadan, o cümlədən dövlətin
təhsil xərcləri, müəllimlərin maaşının ölkə üzrə orta
əməkhaqqına nisbəti, uşaqların təhsilinin müddəti, PISA,
TIMSS və PIRLS beynəlxalq testlərinin son nəticələri,
məzunlar arasında işsizlərin səviyyəsi kimi
kriteriyalardan istifadə olunub. Ölkənin sosial-iqtisadi
göstəriciləri, cinayətkarlığın səviyyəsi, adambaşına
düşən ÜDM-un miqdarı və ümumi işsizlik də nəzərə alınıb.
Reytinqin liderləri Finlandiya və Cənubi Koreya olublar.
Onlardan sonra Honkonq, Yaponiya və Sinqapur gəlir.
Eləcə də təhsil sahəsində dünya liderləri onluğuna Böyük
Britaniya, Niderland, Yeni Zelandiya, İsveçrə və Kanada
da düşüb. Rusiya reytinq cədvəlində ABŞ-dan (17-ci yer),
Slovakiya və Macarıstandan (18 və 19-cu yerlər) az geri
qalıb. Lakin rusiyalıların təhsil almaq üçün populyar
ölkələr hesab etdikləri Çexiyanı (22-ci yer) və Fransanı
(25-ci yer) ötüb.
Maykl Barber qeyd edib ki, reytinqdə liderlik edən
ölkələr təhsilə millətin xilas yolu və ya inkişafın yeni
strategiyası kimi baxırlar. Uğurun digər amilləri
arasında hökumətin həmin sahəyə xüsusi diqqət yetirməsi,
ölkədə müəllimlərin yüksək statusu da yer tutur.
"Uçitelskaya qazeta"dan hazırladı: Yusif ƏLİYEV |
