|
Rusiya hökumətinin sədri Dmitriy Medvedev 2013-cü ildə
profil istiqamətində əlavə qəbul sınaqları keçirmək
hüququ verilən ali məktəblərin siyahısını təsdiq edib.
Siyahıya 5 ali təhsil müəssisəsi düşüb. Bunlar Oleq
Kutafin adına Moskva Dövlət Hüquq Akademiyası, Moskva
Dövlət Linqvistika Universiteti, Moskva Dövlət Pedaqoji
Universiteti, "Ali İqtisadiyyat Məktəbi" Milli Tədqiqat
Universiteti və Nikolay Dobrolyubov adına Nijeqorod
Dövlət Linqvistika Universitetidir. Bu müəssisələrə
qəbul zamanı əlavə sınaq keçiriləcək hazırlıq
istiqamətlərinin (ixtisaslarının) siyahısı da təsdiq
olunub.
Xatırladaq ki, hər il bu hüquqdan iki digər Rusiya ali
məktəbi - xüsusi statusa malik Moskva Dövlət
Universiteti və Sankt-Peterburq Dövlət Universiteti də
istifadə edir.
"Uçitelskaya qazeta"dan hazırladı: Yusif ƏLİYEV |
