|
Bakı Dövlət Universitetində (BDU) ölkəmizin ali təhsil
müəssisələrinin beynəlxalq əlaqələr sahəsində çalışan
mütəxəssisləri üçün "Azərbaycan universitetlərinin
beynəlxalq əlaqələr departamentinin inkişafı" üzrə
ikinci təlim kursları keçirilir.
Bakı Dövlət Universitetinin Mətbuat və informasiya
şöbəsindən AzərTAc-a bildirmişlər ki, təlim kurslarını
Böyük Britaniyanın British Council təşkilatı tərəfindən
dəvət edilmiş beynəlxalq ekspertlər aparırlar.
Təlim kurslarında BDU, Azərbaycan Dövlət Neft
Akademiyası, "Odlar Yurdu", Qafqaz, Bakı Slavyan və
Azərbaycan Dövlət İqtisad universitetləri, həmçinin
digər ali məktəblərin beynəlxalq əlaqələr
departamentlərinin nümayəndələri iştirak edirlər.
İlk təlim kurslarında mütəxəssislər fəaliyyətləri
haqqında məlumat vermiş, veb saytlarını təqdim etmiş və
ERASMUS MUNDUS kimi beynəlxalq proqramlarda təhsil
müəssisələrinin iştirakından bəhs etmişlər.
Təlim kurslarını uğurla bitirən iştirakçılar üçün
gələcəkdə Böyük Britaniyaya tanışlıq səfərinin təşkil
olunması nəzərdə tutulur. |
