|
Ölkəmizin hər yerində olduğu kimi, Lerik rayonunda da
məktəb tikintisinə böyük diqqət yetirirlir. Son üç ildə
burada 28 məktəb tikilmiş və əsaslı təmir edilmişdir.
Ötən il isə 7 yeni məktəb öz qapılarını şagirdlərin
üzünə açmışdır.
Bunlar Züvüç kəndində 220, Veri və Barzavu kəndlərində
180, Aran, Davradibi, Kələkan, Daster və Ləkər
kəndlərində 80 şagird yerlik məktəblərdir. Bu təhsil
ocaqlarında tədrisin yüksək səviyyədə təşkili üçün bütün
şərait yaradılmışdır. Müasir tələblər səviyyəsində inşa
olunan yaraşıqlı və tam yeni görkəmli məktəblərin sinif
otaqları, fənn kabinetləri və laboratoriyaları lazımi
avadanlıq, dərs ləvazimatları ilə təchiz edilmişdir.
Hazırda rayonun Nücü, Molalan, Livədirqə, Bibiyoni
kəndlərində 180 şagird yerlik, Duzğan, Nüvədi,
Zəriküməco kəndlərində isə 80 şagird yerlik məktəblərin
tikintisində qızğın iş gedir. Rayonun rəhbərliyi tez-tez
tikinti obyektlərində olur, inşaatçılara hər cür
köməklik göstərilir. Bu da işlərin yüksək keyfiyyətlə
getməsinə, təhsil obyektlərinin nəzərdə tutulan vaxtda
təhvil verilməsinə imkan yaradır. |
