|
2013-cü ilin mart ayının sonunadək Bakı, Quba,
Hacıqabul, Şamaxı və Lənkəran şəhərlərində işləyən 250
ingilis dili müəlliminın peşəkarlıq səviyyəsinin
artırılması üzrə təlimlər keçiriləcəkdir. Təlimlər
"Mədəd - Azərbaycan" təşkilatı tərəfindən "British
Council" təşkilatının dəstəyi ilə "İngilis dili
müəllimlərinin peşəkarlıq səviyyəsinin
təkmilləşdirilməsi" layihəsinın ikinci mərhələsi
çərçivəsində təşkil olunacaqdır.
Layihənin əsas məqsədi ingilis dilinin tədrisində
elektron tədris resurslarından istifadəni
genişləndirməkdir. Təlimlərdə müəllimlər "British
Council" tərəfindən təqdim olunmuş bir sıra elektron
təhsil resursları ilə yaxından tanış olacaqlar.
Bununla yanaşı, təlimlərdə müəllimlərə "Microsoft.
Təhsildə Əməkdaşlıq" İnternet şəbəkəsindən səmərəli
istifadə etməklə onlayn müəllim icmalarının yaradılması
üzrə praktik vərdişlər aşılanacaqdır. Nəticə etibarı ilə
layihədən kənarda əməkdaşlıq çərçivəsində davamlı
şəkildə elektron resurslarını sinif otaqlarında tətbiq
edən müəllim qrupu formalaşacaqdır.
Qeyd etmək lazımdır ki, 2012-ci ildə "İngilis dili
müəllimlərinin peşəkarlıq səviyyəsinin
təkmilləşdirilməsi" layihəsi çərçivəsində Bakı,
Sumqayıt, Şirvan, Göyçay və Mingəçevir şəhərlərində
işləyən 114 müəllim artıq analoji təlimlərdən keçmişdir.
|
