Dekabrın 23-də 8 nömrəli Bakı Peşə Liseyində idmanın Qoçyu-Ru Okinava Karatey Do və Kobude  növü üzrə 13 və 15 yaşlı idmançılar  arasında  yarış keçirilib. Yarışa Qəbələ, Balakən, Şirvan, Hacıqabul, Qaradağ, Yasamal, Nizami və Xəzər rayonlarından 200-ə yaxın idmançı qatılıb. 

Tədbiri Azərbaycan Qoçyu-Ru Okinava Karatey Do və Kobude Federasiyasının prezidenti Tarverdi  Allahverdiyev açaraq  keçirilən yarış barəsində məlumat verib.   Sonda    Qaradağ rayonu Qızıldaş qəsəbə sakinləri  Ələsgər Aslanov,  Vüsal Qeybullayev 13 və 15 yaşlılar  arasında keçirilən bu yarışda    I yerə çıxaraq  qızıl medalla  təltif olunublar.

Tədbirdə federasiyanın Qaradağ  rayonu üzrə  idman təlimatçıları Samir Məcnunov, Fərid Tağıyev və Qaradağ rayon İdman İdarəsinin rəisi Elçin Abbasov çıxış edərək təltif olunan idmançıları təbrik ediblər. 

Şakir CƏFƏROV