Hər  dəfə "müəllim" kəlməsini işlədərkən yadımıza, ilk növbədə, ən yaxşı, ən sevimli müəllimlərimiz düşür.  Bu gün belə müəllimlərdən biri də   1974-cü ildən bu günə kimi İmişli rayonu Qaralar kənd orta məktəbində rus dili müəllimi işləyən Yusif Mayılovdur. Öz peşəsinin vurğunu olan Yusif müəllim  onu tanıyanlar arasında böyük hörmət sahibidir. Yüsif müəllimin dərs dediyi  şagirdlər   öz müəllimlərini heç vaxt unutmurlar. Tez-tez məktəbə gəlib  müəllimlərinə baş çəkirlər. Yusif müəllim deyir ki, mənim həyatda ən böyük mükafatım şagirdlərimin mənə olan məhəbbətidir.

Yusif müəllim hər il olduğu kimi, bu il də  yanvarın 1-də 65 yaşını  qeyd etməyə  hazırlaşır. Deyir ki, həmin gün  məni təbrik edənlər ən çox şagirdlərim olur.

Ad günündə  onu təbrik edənlərə  biz də qoşuluruq. Yusif müəllimə ən şirin nemət olan cansağlığı,  pedaqoji fəaliyyətində uğurlar  arzulayırıq.   

Ş.DAYANDUROĞLU