Dekabrın 25-də 18 nömrəli  Bakı Peşə Liseyində Azərbaycan Respublikası Vergilər  və Təhsil nazirliklərinin birgə təşkilatçılığı ilə ilk  vergi tədris otağının açılış mərasimi  oldu.

Mərasimi vergilər nazirinin müşaviri  Ələkbər Məmmədov  açaraq  yeni layihəyə  18 nömrəli Bakı Peşə Liseyində  ilk vergi tədris otağının yaradılması ilə başlanıldığını bildirdi.

Təhsil Nazirliyinin Texniki-peşə təhsili şöbəsinin müdiri Namiq Məmmədov 18 nömrəli Bakı Peşə Liseyində vergi tədris otağının yaradılmasını  yüksək qiymətləndirdi və liseyin  pedaqoji kollektivini  bu münasibətlə təbrik etdi. Bildirildi ki, vergi tədris otağı lisey tələbələrinin bilik səviyyələrinin artırılmasında  önəmli rol oynayacaq. Gələcəkdə digər peşə təhsili müəssisələrində də belə otaqların yaradılmasının vacibliyindən söz açıldı.

Açılış mərasimində Vergilər Nazirliyinin   Vergi  Ödəyicilərinə Xidmət İdarəsinin rəisi Elçin Məmmədov bu sahədə  görülən işlərdən və həyata keçirilən tədbirlərdən danışdı.

Sonda 18 nömrəli Bakı Peşə Liseyinin müəllimləri Tofiq Məmmədov,Yaqut Qəhrəmanova və başqaları liseydə ilk  vergi tədris otağının yaradılmasına görə Vergilər və Təhsil nazirliklərinin  rəhbərliklərinə  minnətdarlıqlarını bildirdilər. 

Şakir CƏFƏROV