Bakıdakı  69 nömrəli  tam orta məktəbdə Azərbaycan dili və ədəbiyyatı  müəllimi   Aidə Əliyevanın V "2" sinfində "Həyat bilgisi" fənnindən "Vergilər və nağdsız ödənişlər" mövzusunda "açıq dərs"i keçirildi. Tədbirdə Bakı Şəhəri üzrə Təhsil İdarəsinin, Bakı Şəhər Vergilər Departamentinin, Sabunçu Rayon İcra Hakimiyyətinin  nümayəndələri və digər qonaqlar iştirak etdilər.  "Açıq dərs"in müzakirəsi zamanı  məktəbin direktoru Xalıqverdi Abbasov, Bakı Şəhəri üzrə Təhsil İdarəsi Metodmərkəzin direktoru Vahid Qurbanov, mərkəzin əməkdaşları Sitarə Məmmədova, Vəzuhə  Məmmədova, Bakı Şəhər Vergilər Departamentinin şöbə müdiri Məhərrəm Əmiraslanov, Sabunçu Rayon İcra Hakimiyyətinin nümayəndəsi Arzu Məmmədova və digər ixtisas müəllimləri bildirdilər ki, şagirdlər mövzu üzrə  dörd  qrupa  bölünərək  yaxşı bilik nümayiş etdirdilər. Nəticədə dərs metodiki baxımdan milli kurikulumun tələb etdiyi standartlar əsasında yüksək səviyyədə keçdi. Müəllim dərs prosesində şagirdlərin fəallığını təmin etdi və keçdiyi mövzuya  dair əyani vəsaitlərdən bacarıqla istifadə etməklə fənlərarası inteqrasiya yaratdı. Dərs zamanı şagirdlərin əksəriyyəti  dərsdə daha  fəal iştirak etdilər.

Sonda Bakı Şəhər Vergilər Departamenti adından V "2" sinfində oxuyan  şagirdlərə  hədiyyələr  təqdim olundu.    

Şakir CƏFƏROV