Gəncədə şagird sıxlığı olan 4 və 39 nömrəli orta məktəblərdə əlavə tədris korpuslarının inşasına başlanılmışdır.

Gəncə Şəhər Təhsil İdarəsindən AzərTAc-a bildirmişlər ki, hazırda 4 nömrəli məktəbdə 1800, 39 nömrəli məktəbdə isə 2 min şagird təhsil alır. Bu da həmin tədris ocaqlarında bir sıra problemlər yaradır. Artıq yaxın vaxtlarda həmin problem aradan qalxacaqdır. Belə ki, 4 nömrəli məktəbdə 940, 39 nömrəli məktəbdə isə 1200 yerlik əlavə tədris korpusunun inşasına başlanılmışdır. Yeni tədris korpuslarının gələn il istifadəyə verilməsi nəzərdə tutulmuşdur.

Yaxın vaxtlarda yeni yaradılmış Cavad xan, Məhsəti, Natəvan, həmçinin Gülüstan qəsəbələrində də yeni məktəb binalarının tikintisinə başlanacaqdır.