Qafqaz Universiteti ilə qardaş Türkiyənin Muğla Sıtkı və Rizə Rəcəb Tayyib Ərdoğan universitetləri arasında Anlaşma Memorandumu imzalanıb. Bu münasibətlə Qafqaz Universitetinin Tempus ofisində mərasim keçirilib.

Tədbiri giriş sözü ilə açan  Qafqaz Universitetinin rektoru, professor Ahmet Saniç Azərbaycan və Türkiyənin mehriban qardaşlıq münasibətlərindən  danışıb. Rektor  müasir dünyada təhsilin önəmli rolunu qeyd edərək bu sahədə əməkdaşlığın vacibliyini söyləyib.  Sonra söz Muğla Sıtkı Universitetinin rektoru, professor Mansur Harmandara verilib. Rektor "Qafqaz Universitetinin nailiyyətlərini çox duymuşdum,  bəli, indi də gəldim gördüm,  duyduğum kimidir, sizlərə uğurlar arzulayıram", - söyləyib. Mərasimdə Rizə Rəcəb Tayyib Ərdoğan Universitetinin rektoru, professor Arif Yılmaz da çıxış edib.  O, Qafqaz Universiteti ilə qurulacaq əlaqələrin gözəl bəhrə verəcəyindən söz açıb.

Sonra Anlaşma Memorandumu imzalanıb. Sənədi Qafqaz Universitetinin rektoru  Ahmet Saniç və Türkiyənin Muğla Sıtkı və Rizə Rəcəb Tayyib Ərdoğan universitetlərinin rektorları imzalayıblar.  Memorandumda universitetlər  arasında elm və təhsil sahələrində əlaqələri inkişaf etdirmək və tələbə-müəllim mübadiləsi məsələləri nəzərdə tutulub.  

Qafqaz Universitetinin Mətbuat xidmət