Azərbaycan Texniki Universitetinin (AzTU) "Metallurgiya", "Maşınqayırma", "Avtomatika və hesablama texnikası" və "Elektronika və energetika" fakültələrinin 60-a yaxın tələbəsi "Baku Steel Company" MMC şirkətində adlı təqaüd verilməsi üçün keçirilən müsabiqənin birinci turunun seçimlərində iştirak etmişlər.

AzTU-dan AzərTAc-a bildirmişlər ki, seçimlər bu ali təhsil müəssisəsi ilə "Baku Steel Company" MMC şirkəti arasında uzunmüddətli əməkdaşlıq çərçivəsində reallaşdırılmışdır.

Universitetin 30-dək tələbəsi birinci turdan uğurla keçərək növbəti tura vəsiqə qazanmışdır.

Müsabiqənin ikinci turunun dekabrın əvvəllərində keçirilməsi nəzərdə tutulur.

Tədbirdən sonra tələbələr "Baku Steel Company" MMC-nin istehsalat prosesi ilə də yaxından tanış olmuşlar.