Bakı şəhər Mədəniyyət və Turizm  İdarəsi tərəfindən "Kitabla dost ol, ən fəal oxucu ol!" müsabiqəsi çərçivəsində keçirilən  Nizami Gəncəvinin anadan olmasının 870 illiyinə həsr olunan şeir müsabiqəsinin birinci mərhələsi başa çatıb. Səbail Rayon Mərkəzləşdirilmiş Kitabxana Sisteminin mərkəzi kitabxanasında keçirilən  müsabiqəyə  42, 189, 190, 236 nömrəli tam orta məktəblərin  və 49, 16  nömrəli liseylərin şagirdləri  qatılıb. Münsiflər heyətinin seçimi ilə  müəyyən olunan 2 nəfər qalib müsabiqənin ikinci mərhələsində iştirak etmək hüququ qazanıb. Qaliblər elan olunduqdan sonra  müsabiqənin iştirakçıları Nizami Gəncəvinin 870 illik yubileyinə həsr olunan kitab sərgisinə baxış keçiriblər.

Mərasimin sonunda şagirdlərə kitablar hədiyyə olunub. 

Sifai SƏFƏROVA