Naxçıvan Dövlət Universitetində Beynəlxalq tələbə həftəsinə həsr olunmuş "Nə? harada? nə zaman?" bilik  yarışması üzrə tələbələrarası I seçim turu keçirildi.

Universitetin tərbiyə işləri üzrə prorektoru, fəlsəfə elmləri doktoru, professor Məmməd Rzayev ümummilli lider Heydər Əliyevin siyasi kursunun bu gün uğurla davam etdirilməsindən, ölkədə aparılan təhsil və gənclər siyasətinin uğurundan danışdı. Qeyd olundu ki,  17 noyabr 1939-cu il tarixində Praqada faşizm əleyhinə mitinqdən sonra 9 tələbə və müəllim edam edilib. Bu gün 1941-ci ildən Londonda Beynəlxalq Tələbələr Günü kimi qeyd edilməyə başlamışdır. İndi də bu gün Avropada və bütün dünyada milli tələbə birlikləri tərəfindən qeyd edilməkdədir. Ölkəmizdə isə bu tarix ulu öndər Heydər Əliyevin təşəbbüsü ilə 1996-cı ildən keçirilir.

Sonra universitet gənclər təşkilatının sədri Arzu Abdullayev öz çıxışında yarışın şərtləri və qaydaları haqqında ətraflı məlumat verdi.

Doqquz komandanın iştirakı ilə keçirilən yarışda 45 tələbə iştirak etdi. Üç mərhələdə keçirilən gərgin bilik yarışmasının qalibi olan "Əlincə" komandası  Bakı şəhərində keçiriləcək final turuna vəsiqə qazandı.  

Leyla HƏMZƏYEVA