Təhsil nazirinin əmrinə müvafiq olaraq Astara şəhərində ümumtəhsil məktəblərinin  rəhbər işçiləri üçün kurikulum təlim kursu keçirilib.

Rayon təhsil şöbəsindən aldığımız məlumata görə, fənn kurikulumlarının tətbiqi sahəsində təhsil işçilərinə peşəkar səviyyəli metodiki köməyin təmin olunmasına xidmət edən təlimçilər qrupunun hazırlanması üçün öyrədici treninqlərin keçirilməsi məqsədilə məşğələlərə rayonun 26 məktəb direktoru cəlb edilib.

Təlim məşğələlərində Təhsil Nazirliyinin nümayəndələri iştirak ediblər.

On bir gün davam edən kursun sonunda qiymətləndirmənin nəticələrinə görə göstəriciləri uğurlu hesab edilən müdavimlərə müəyyən olunmuş formada "Öyrədənləri öyrədən" sertifikatı verilib.

Rəşad ZİYADOV