Naxçıvan şəhərindəki "Gənclik" Mərkəzində Naxçıvan Muxtar Respublikasının ali və orta ixtisas təhsili müəssisələrinin tələbələri arasında vətənpərvərlik mövzusunda mahnı müsabiqəsi keçirilib.

Tədbiri Naxçıvan Muxtar Respublikası Gənclər və İdman Nazirliyi və Yeni Azərbaycan Partiyası Naxçıvan Muxtar Respublika Təşkilatının Heydər Əliyev adına Gənclər Birliyi təşkil edib.

Müsabiqə başlamazdan əvvəl Naxçıvan Muxtar Respublikası Gənclər və İdman Nazirliyinin  Gənclərlə iş şöbəsinin müdiri Canməmməd Canməmmədov çıxış edərək tədbirin əhəmiyyətindən danışıb.

Sonra müsabiqəyə start verilib. Müsabiqədə tələbələrin çıxışları münsiflər heyəti tərəfindən qiymətləndirilib. Yekun nəticəyə görə Naxçıvan Özəl Universitetinin tələbəsi Bayram Bayramov birinci, Naxçıvan Dövlət Universitetinin tələbəsi Bəhruz Quliyev ikinci, Naxçıvan Müəllimlər İnstitutunun tələbəsi Aliyə Kərimli isə üçüncü yerin sahibi  olub. Fəxri yerləri tutan tələbələrə Naxçıvan Muxtar Respublikası Gənclər və İdman Nazirliyinin diplom və qiymətli hədiyyələri təqdim olunub. 

Naxçıvan Müəllimlər
İnstitutunun Mətbuat xidməti