Cari ildə ölkə üzrə orta məktəblərin 1000 nəfər inzibati-idarəetmə heyəti üçün informasiya və kommunikasiya texnologiyalarının məktəb idarəetməsində tətbiqi üzrə təlimlərin keçirilməsi davam etdirilir. Təlimlər Bakı və 39 regionda "Mədəd Azərbaycan" təşkilatı tərəfindən aparılır.

Təlimlər zamanı elektron məktəbin idarə edilməsi, virtual siniflərdə dərslərin keçilməsi, təhsil portalı (www.edu.az) və ondan istifadə qaydaları öyrədilir. İştirakçılar ümumi rəqəmsal savadlılığın artırılması ilə bağlı praktik məşğələlərlə yanaşı, elektron təhsil resurslarının yaradılması, web 2.0 texnologiyaları, layihə və fəal təlim metodları  ilə tanış olurlar.

İKT-nin təhsilə tətbiqi və idarəetmə sistemləri üzrə təlimlər "2008-2012-ci illərdə Azərbaycan Respublikasında təhsil sisteminin informasiyalaşdırılması üzrə Dövlət Proqramı"na uyğun olaraq həyata keçirilir.

Ümumiyyətlə, indiyədək Dövlət Proqramı çərçivəsində ümumtəhsil məktəblərinin 12500 nəfərlik inzibati-idarəetmə heyəti İKT-nin idarəetmədə tətbiqinə dair xüsusi hazırlıq kurslarından keçmişdir.  

Y.ƏLİYEV