Bakıdakı 236 nömrəli tam orta məktəbdə  "İçərişəhər Azərbaycan tarixinin şanlı səhifəsidir" mövzusunda elmi-praktik konfrans və  "Azərbaycanın tarixi abidələri"  fotosərgisinin açılışına həsr olunan tədbir keçirilib. Azərbaycan Respublikasının Nazirlər Kabineti yanında "İçərişəhər" Dövlət Tarix - Memarlıq Qoruğu İdarəsinin "İçərişəhər"  tarixi muzeyi ilə birlikdə keçirilən tədbiri  məktəbin direktoru, əməkdar müəllim Xanlar İmaməliyev açaraq mövzunun əhəmiyyəti  və şagirdlərin dünyagörüşünün formalaşmasında böyük rolunu   qeyd edib.

"İçərişəhər" tarixi muzeyinin elmi məsləhətçisi, ekspert Samit Məsimov,  Memarlıq Qoruğu İdarəsinin Elmi Tədqiqatlar və Beynəlxalq əlaqələr şöbəsinin müdir müavini, tarix elmləri doktoru, Arxeologiya və Etnoqrafiya İnstitutunun əməkdaşı Vəfa Quliyeva,    "İçərişəhər" Dövlət Tarix- Memarlıq Qoruğu İdarəsinin elmi mərkəzinin arxeologiya üzrə baş elmi işçisi Qənirə Pirquliyeva və "İçərişəhər" tarixi muzeyinin direktor müavini Musa Musayevin   çıxışları dinlənilib. 

Qonaqlar şagirdləri maraqlandıran suallara  cavab  veriblər.

Sonda K.İmanovun " İçərişəhərin daş yaddaşı" adlı  sənədli televiziya   filmi şagirdlərə göstərilib.  

Şakir CƏFƏROV