Astara Rayon Təhsil Şöbəsindən aldığımız məlumatda bildirilir ki, rayonun Olimpiya İdman Kompleksində 1996-1997-ci il təvəllüdlü yeniyetmələr arasında voleybol üzrə zona birinciliyi keçirilmişdir.

Azərbaycan Voleybol Federasiyasının, Astara Rayon Gənclər və İdman İdarəsinin təşkilatçılığı ilə keçirilən yarışlarda Sumqayıt və Lənkəran şəhərlərinin, Astara, Masallı, Cəlilabad, Salyan, Şirvan, Hacıqabul, Saatlı və Kürdəmir rayonlarının voleybolçuları qələbə uğrunda mübarizə aparmışlar.

Gərgin idman mübarizəsi şəraitində keçən zona birinciliyində Masallı rayonunun yeniyetmələrdən ibarət komandası birinci yerə çıxmışdır. Cəlilabadlı voleybolçular bu mübarizədə  ikinci, sumqayıtlı gənclər isə üçüncü olmuşlar.