Bu günlərdə Təhsil Problemləri İnstitutu Kurikulum Mərkəzində biologiya fənni kurikulumunda biomüxtəlifliyin nəzərə alınması məsələsi müzakirə edilib.

Tədbirdə Təhsil Problemləri İnstitutunun direktor müavini, Kurikulum Mərkəzinin direktoru Ənvər Abbasov, biologiya fənni üzrə işçi qrupunun üzvləri Bakıdakı 83 nömrəli məktəb-liseyin müəllimi Nüşabə Məmmədova, 47 nömrəli tam orta məktəbin müəllimi Brilyant Həsənova, Təhsil Problemləri İnstitutunun böyük elmi işçisi Könül Mahmudova, biomüxtəliflik üzrə mütəxəssis Şahin İsayev və Almaniya Beynəlxalq Əməkdaşlıq Cəmiyyətinin nümayəndəsi Daniel Kebşul iştirak ediblər.

"Cənubi Qafqazda biomüxtəlifliyin qorunması" layihəsi çərçivəsində təşkil edilən müzakirədə müasir dövrdə biologiya fənninin məqsəd və vəzifələri, məzmunu, siniflər üzrə nəticələrlə bağlı fikir mübadiləsi aparılmış, kurikulumda biomüxtəlifliklə əlaqədar geniş imkanlar olduğu qeyd olunmuşdur.

Çıxış edənlər həmçinin bu məsələnin reallaşdırılması istiqamətində müvafiq tədris resurslarının hazırlanmasının zəruriliyini vurğulayıblar. 

Samirə HÜSEYNQIZI