BDU-nun rektoru, akademik Abel Məhərrəmov  Kaliforniyanın Stenford Universitetinin professoru, fizika üzrə Nobel mükafatı laureatı Laflin Robert Betts və kimya üzrə Nobel mükafatı laureatı  Markus Rudolf Artur ilə görüşüb.   Universitet haqqında məşhur alimlərə məlumat verən akademik Abel Məhərrəmov BDU-nun yaranma və inkişaf tarixindən, əməkdaşlıq etdiyi aparıcı universitetlərdən, bu təhsil ocağının beynəlxalq, tanınmış assosiasiyalar və qurumlarla əlaqələrindən, beynəlxalq qrant  layihələrində iştirakından danışıb.  Nanotexnologiya və innovasiyalardan da söz açan rektor, azərbaycanlı alimlərin ABŞ-dan olan həmkarlarının  bu  sahədəki  təcrübələrindən  yararlandıqlarını da diqqətə çatdırıb.

Sonra Nobel mükafatı laureatları Laflin Robert Betts və Markus Rudolf Artur fizika və kimya fakültələrinin müəllim və tələbələrinə mühazirə oxuyub,  verilən sualları cavablandırıblar. BDU-nun Nanoaraşdırmalar laboratoriyasında olan məşhur alimlər orada aparılan elmi tədqiqat işləri ilə yaxından tanış olub, bu işlərə yüksək qiymət veriblər. Alimlər tədqiqat işlərinin elm tutumlu istehsal sahələri ilə əlaqələndirilməsi istiqamətində öz məsləhətlərini də veriblər. 

BDU-nun Mətbuat və informasiya şöbəsi